МИЛЛИЙ ҚӘДИРИЯТЛАРЫМЫЗ ЖӘМ БОЛҒАН ТАҢЛАЎ.

8

Сондай бир ǝжайып қосық бар, ырғағы жанды тербендиреди, бул қосықтың намасы да, сөзи де меҳрийбан аналарымыздың арзыў-ǝрманын, тилек ҳǝм ийгиликли нийетлерин сǝўлелендирип турады, нǝрестениң пǝк жүрегине ана меҳири менен сиңип, шексиз муҳаббат таратады.

Бул-ҳǝййиў қосығы. Бул аналар косығы. Перзентиниң айдын келешегин, ығбал-бахтын ҳǝййиў арқалы жеткерип, баласын нама ырғағында тǝрбиялаўды сол ески заманлардан-ақ билген аналар урпағы екенлигимизден, сондай дүньяны таң қалдырғандай қǝдириятларымыз бар екенлигинен ҳǝр биримиз қанша мақтансақ та ҳақылымыз.

Мине, усындай, бай мийрасымызды университет студент-қызлар арасында кең түрде үгит-нǝсиятлаў мақсетинде жақында университетимиз Ҳаял-қызлар басланғыш шөлкеми тәрепинен 15-май – «Халықаралық  шаңарақ күни» мүнәсибетине бағышлап студент-қызлар арасында «Ҳәййиў-2020 » онлайн таңлаўы болып өтти.

 Таңлаўда тийкарынан ҳәр бир факультеттен бир қыздан, халық аўзында айтылып жүрген бесик жырлары, ҳәййиў қосықлары атқарылыўы тийис болып, олардың арасынан атқарыў шеберлиги хәм ҳәййиў мазмунына айырықша итибар берилип, төрешилер қурамы тәрепинен мүнǝсип баҳаланды. Таңлаў шәртлерине бола қызларымыз ҳәр тәреплеме сынақтан өтти. Яғный, бунда ҳәййиў қосығын олардың нама яки ишки саз бенен кәмине келтирип атқарып бериўи, ҳәййиў атқарылған ўақытта қызларымыз ҳақыйқый ана образына кирип бесиктен, кишкене нәресте, яғный бесик баласын услап –тутыўы, болажақ ананың өз нәрестеси қасында өзин услап тутыўы , отырыў мәденияты, нәрестелерге меҳир бериўи, сондай-ақ, сол ҳәййиў атқарылып атырған орынның миллий қәдириятларымызға сай безелиўине шекем есапқа алынды.

Бизди айрықша қуўандырғаны, студент-қызларымыз тәрепинен ҳәййиў қосықларын тек ғана қарақалпақ тилинде емес, ал, түрли миллет ўәкиллериниң , яғный қарақалпақша, өзбекше, қазақша, түркменше ҳәттеки украинша ҳәййиў қосықлары атқарылды. Ҳәм де қызларымыз қайсы миллеттиң тилинде ҳәййиў қосығын атқарса, сол миллеттиң миллийлигин сәўлелендирип туратуғын кийим-липасларда, жүдә жарасықлы орамал –шаршы безеклерди тағынып қатнасты. Қызларымыздың ҳәййиў қосығын атқарыўға болған ықласын көрип, туўрысы студент-қызларымызға ата-аналары ҳәм де оқыў дәргайымыз тәрепинен берилип атырған тәлим-тарбияның нәтийжесин сезинип қуўандық.

Усы жылдың 10-14-май аралығында өткерилген бул таңлаўда университетимиздиң хәр бир қызы белсенди қатнасып, олардың белсендилиги  миллий қәдриятларымызға болған жоқары руўхый көз-қарасы ҳәм мәдениятында, шеберлик пенен атқарған бесик жырларында өз сәўлесин тапты.

Танлаўдын жуўмақлаўшы басқышы ЗООМ программасында онлайн түрде өткерилди. Онда ҚМУ ректоры, профессор А.Реймов таңлаўға қатнасып, таңлаўды ашып берди ҳәм қызларымызға табыслар тиледи. Таңлаўда қызларымыздың мийнетин,  айтылған «Ҳәййиў» қосықларын тажирийбели тараў қәнигелеринен ибарат төрешилер қурамы баҳалап барды. Олар: 1)Айгул Пирназарова – И.В.Савицкий атындағы Қарақалпақстан мәмлекетлик көркем өнер музейдиң Этнография бөлиминиӊ аға илимий хызметкери.

2)Гулбаҳар Ахымбетова – Өзбекстан көркем өнер ҳөм мәденият институты Нөкис филиалы доценти, Қарақалпақстан халық бақсысы, Зульфия атындағы мәмлекетлик сыйлықтыӊ ийеси.

 3)Айжамал Туремуратова – Өзбекстан Композиторлар аўқамы ағзасы, Зульфия атындағы мәмлекетлик сыйлықтыӊ ийеси.

4) Айгүл Өтениязова – ӨзМТДП ҚР Кенесинин Шанарақ ҳөм ҳаял-қызлар мәселелери бойынша жетекши қәнигеси.

Таңлаў жуўмағына бола, Өзбек филологиясы факультети 2-курс қазақ тили қәнигелиги студенти Айдана Алламуратова  таңлаўдың бас сыйлығы-Гран-при ийеси болыўға мүнǝсип деп табылған болса, Қурылыс факультети 4-курс имаратлар қәнигелиги студенти Бегжанова Бийбираба 1-орын, Тарийх факультети 1-курс вокал қәнигелиги студенти Мухамедалиева Ҳүрлиман ҳǝм Шет тиллери факультети 3-курс студенти Юсупова Айзадалар ылайық деп табылған болса, үш қызымыз – Өзбек филологиясы факультети 2- курс студенти  Нарымбетова Надирабегим, Қарақалпақ филологиясы ҳәм журналистика факультети 1-курс студенти Кудайбергенова Баршынай ҳǝм Шет тиллери факультети 3-курс студенти Нурманова Ажарлар 3-орынға ылайық деп табылды.

Сондай-ақ, белсене қатнасқан студент-қызлар да б

ир қатар номинациялар менен сыйлықланды.

Соның менен бир қатарда,  ҳәр бир қатнасыўшы атқарыў шеберлиги ҳǝм қосық мазмунына қарай төрешилер қурамы тǝрепинен әдиллик пенен баҳаланып оларға керекли болған мәсләҳәтлерин де берилди. Әсиресе, басқа тиллердеги ҳǝййиў қосықларын шеберлик пенен атқарған қызларды айрықша атап өтилди.

Таңлаў жеңимпазлары университетимиз Ректораты ҳәм Ҳаял-қызлар шөлкеми тәрепинен «Ҳүрмет жарлықлар » хәм баҳалы саўғалар менен (оқыў басланғаннан соң) сыйлықланады.

Бǝршемизге анамыз меҳирин нама ырғағында кеўлимизге жайлаған ҳǝййиў қосығы-дүньядағы ең уллы қосық. Ҳǝййиў-бул аналар меҳири, ҳǝййиў бул-кемпир апаларымыздың ақ пǝтиясы, бул – ананың перзентине гөдеклигинен баслап тилеген тилеги, кеўлиндеги уллы үмити. Ҳǝр бир ҳаял-бесик пенен айтқан ҳǝййиўи менен жǝне де гөззал, жǝне де қǝдирли.

Таңлаўда қатнасқан ҳǝр бир қыздың кеўлинен мине усындай сезимлер өткен болса, келешекте бир шаңарақтың бахытлы бийеси болып, алтын бесик шайқаўды нийет еткен болса тǝжип емес.

Университетимиз қызларының миллий қǝдириятларға болған көз-қарасын айқын сәўлелендириўде усындай таңлаўлардың өткерилиўи айрықша әҳмийетке ийе.

Инжайым Сейтназарова,

Бердақ атындағы ҚМУ Ҳаял-қызлар Кенеси баслығы , Қарақалпақстан Республикасына мийнети сиңген жаслар устазы.
скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

wso shell hacklink panel hacklink kaliteli hacklink adresi hacklink al hacklink panel hacklink satış garantili hacklink  instagram takipci hilesi