Бир әсир бурынғы тарийх» атамасында илимий-әмелий конференция өткерилди

498

Бердақ миллий музейинде «Бердақ күнлери» шеңберинде «Ийшан қала қамалы – Бир әсир бурынғы тарийх» атамасындағы илимий-әмелий конференция болып өтти. Оған Қарақалпақстан Республикасы Министрлер Кеңеси, ӨзИА Қарақалпақстан бөлими, Әжинияз атындағы НМПИ жанындағы халық билимлендириў хызметкерлерин қайта таярлаў ҳәм олардың қәнигелигин арттырыў аймақлық Орайынан ўәкиллери, шайыр ҳәм жазыўшылар, илимпазлар, Әжинияз атындағы НМПИ ҳәм университеттиң профессор-оқытыўшылары, студент-жаслар ҳәм Ийшан қала естелиги жайласқан аймақта жасаўшы нураныйлер қатнасты.

Конференцияны университет ректоры А.Реймов кирис сөз бенен ашты ҳәм Бердақ бабамыздың ҳүрметине өткерилип атырған ҳәптеликтиң әҳмийети сондай-ақ, ҳәптеликтиң биринши күни Бердақ дәўириндеги жоқары билимлендириў ошағы болған, халқымызды илим ҳикметке бағдарлаған Ийшан қала тарийхына бағышланатуғынлығын атап өтти.

 Ийшан қаланың қурылысы XVIII әсирдиң ақыры XIX әсирдиң басларында басланған болса, XX әсир басындағы тарийхый-сиясий ўақыяларға байланыслы Ийшан қала қала-қорған қурылысы сыпатында даўам еткен. Қарақалпақстан Республикасы Министрлер Кеңеси тәрепинен қорғаўға алынған естеликлердиң дизимине кирген Кегейли районы аймағындағы бул естелик  ата-бабаларымыздың илим-билимде жетик болғанлығының дәлийли сыпатында бизиң дәўиримизге келип жеткен муқаддес орынлардың бири.

Илажда Өзбекстан Қаҳарманы, тарийх илимлери кандидаты, археолог Ғ.Хожаниязов, «Әмиўдәрья» журналының бас редакторы, Қарақалпақстан халық шайыры Х.Даўлетназаров, тарийх илимлери докторы, профессор Б.Қосжанов, Әжинияз атындағы НМПИ оқытыўшысы О.Юсупов, Бердақ миллий музейи директоры Ш.Файзуллаева ҳәм басқалар шығып сөйлеп, Ийшан қала тарийхы, Ийшан қала қамалы – Қарақалпақстанда миллий азатлық ҳәрекети дәўириндеги тарийхый ўақыя болғанлығы ҳәм Ийшан қала тарийхый архитектуралық естелигинде этнотуризм базасын жаратыў бағдарындағы илимий-теориялық пикир-усынысларын билдирди.

 Атап өтилгениндей, халқымыздың өтмишинен дәрек беретуғын бундай естеликлерди бүгинги күн талабы дәрежесинде үйрениўимиз, сырт елли саяхатшылар келип көретуғын зиярат орынына айландырыўымыз, буның ушын әлбетте, бәршемиз биргеликте ҳәрекет етиўимиз лазым.

Конференция жуўмағында тараў қәнигелери өзлериниң пикир-усыныслар билдирди.

Баспасөз хызмети

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

wso shell hacklink panel hacklink kaliteli hacklink adresi hacklink al hacklink panel hacklink satış garantili hacklink  instagram takipci hilesi