Jurnalistika tálim baǵdarı studentleri kórgizbe sarayında

Biz jurnalistika qánigeligi studentleri ustazımız Saxıbjamal Esemuratova menen birgelikte Ózbekstan kórkem-óner akademiyası Qaraqalpaqstan bóliminiń kórgizbe sarayına jol aldıq. Bul jerde belgili  foto jurnalist Maqset Xabibullaevtıń «Qádiri bálent awıl hayalı» atli jeke foto kórgizbesi bolıp ótti. Kórgizbeniń tiykargı maqseti elimizde iybeli, miynetkesh hayal qızlardıń, sonıń menen birge ádiwli Analarımızdıń qádiri hám maqtanıshınıń qay dárejede ullı ekenligin óziniń dóretiwshilik foto súwretleri arqalı sáwlelendiriw bolıp tabıladı.

Kórgizbeni tamasha eter ekenbiz foto jurnalist hár bir suwret ústinde tereń shuǵullanǵanı sezilip turadı. Bul bizlerdey bolajaq jurnalistler ushın sheberlik sabaǵı boldı. Kórgizbe dawamında Maqset aǵa ózinin suwretlerin erinbesten bizge túsindirip ótti. Ol menen jaqınnan sáwbetlesip bizlerdiń foto jurnalistikaǵa bolǵan qızıǵıwshılıǵımız jánede arttı. Sonıń menen birge kórgizbege kelgen Maqset Xabibullaevtiń shákirtleri de bizge ózleriniń tájiriybeleri menen bólisti. Bunday kórgizbelerdi shólkemlestirgeni ushın ustaz foto jurnalist Maqset Xabibullaevqa minnetdarshılıq bildirip, aldaǵı waqıtları dóretiwshilik jumıslarına tabıslar tileymiz.

B.Reyimbaeva Qaraqalpaq filologiya hám jurnalistika fakulteti 2-kurs studenti